Хвалите Господа, яко благ псалом; Богови нашему да усладится хваление. Зиждай иерусалима Господь; разсеяния Израилeва соберет; изцеляяй сокрушeнныя сердцем и обязуяй сокрушeния их; изчитаяй множество звезд, и всем им имена нарицаяй. Велий Господь наш, и велия крепость eго, и разума eго несть числа. Приемляй кроткия Господь, смиряяй же грешники до земли. Начните Господеви во исповедании, пойте Богови нашему в гуслех; одевающему небо облаки, уготовляющему земли дождь; прозябающему на горах траву и злак на службу человеком; дающему скотом пищу их, и птенцeм врановым призывающым eго. Не в силе констей восхощет, ниже в лыстех мужеских благоволит; благоволит Господь в боящихся eго и во уповающих на милость eго.