Исповедайтеся Господеви, яко благ; яко в век милость eго. Исповедайтеся Богу богов; яко в век милость eго. Исповедайтеся Господеви господей; яко в век милость eго. Сотворшему чудеса вeлия eдиному; яко в век милость eго. Сотворшему небеса разумом; яко в век милость eго. Утвердившему землю на водах; яко в век милость eго. Сотворшему светила вeлия eдиному; яко в век милость eго; солнце во область дне; яко в век милость eго; луну и звезды во область нощи; яко в век милость eго. Поразившему eгипта с первeнцы eго; яко в век милость eго; и изведшему Израиля от среды их; яко в век милость eго; рукою крепкою и мышцею высокою; яко в век милость eго. Раздельшему чермное море в разделeния; яко в век милость eго; и проведшему Израиля посреде eго; яко в век милость eго; и истрясшему фараона и силу eго в море чермное; яко в век милость eго. Проведшему люди своя в пустыни; яко в век милость eго. Поразившему цари вeлия; яко в век милость eго. И убившему цари крепкия; яко в век милость eго; сиона царя аморрейска; яко в век милость eго; и ога царя васанска; яко в век милость eго. И давшему землю их достояние; яко в век милость eго; достояние Израилю рабу своему; яко в век милость eго. Яко во смирении нашем помяну ны Господь; яко в век милость eго. И избавил ны eсть от врагов наших; яко в век милость eго; даяй пищу всякой плоти; яко в век милость eго. Исповедайтеся Богу небесному; яко в век милость eго.