Тебе подобает песнь, Боже, в Сионе, и тебе воздастся молитва во иерусалиме. Услыши молитву мою; к тебе всяка плоть приидет. Словеса беззаконник премогоша нас; и нечeстия наша ты очтиши. Блажен, eгоже избрал eси и приял, вселится во дворех твоих. Исполнимся во благих дому твоего; свят храм твой. Дивен в правде, услыши ны, Боже, спасителю наш, упование всех концей земли и сущих в мори далече; уготовляяй горы крепостию своею, препоясан силою; смущаяй глубину морскую, шуму волн eго кто постоит? смятутся языцы, и убоятся живущии в концах от знамений твоих; исходы утра и вечера украсиши. Посетил eси землю и упоил eси ю, умножил eси обогатити ю; река Божия наполнися вод; уготовал eси пищу им, яко тако eсть уготование. Бразды eя упой, умножи жита eя; в каплях eя возвеселится прозябающи. Благословиши венец лета благости твоея, и поля твоя исполнятся тука; разботеют красная пустыни, и радостию холми препояшутся. Одеяшася oвни oвчии, и удолия умножат пшеницу; воззовут, ибо воспоют.