|
Cм. древнерусская литература.
Оп.: Жития святителей Ростовских Леонтия, Исаии и Игнатия. Ярославль, 1887. С. 29.
Месяца маия в 25 день память святаго отца Игнатия, епископа Ростовскаго.
Прославим всемилостиваго Бога и Пречистую Его Матерь, еже в нынешнее время, в последняя лета, прояви Бог таковаго
великаго светильника, солнца церковнаго, его же просиявша многими добродетельми
Той бысть преподобный Игнатий от благочестиву родителю рождейся, и воспитан в великом наказании в добродетели
мнозе. И разсмотрив суету жития сего, отвержеся мира, и бысть мних, и за премногую его добродетель поставлен
бысть архимандритом, потом и епископом граду Ростову, и приим церковь Божию, пасяше добре порученное ему от
Бога стадо. И пребысть в святительстве лет двадесять и шесть, добре пася церковь Христову, в лето 6796 преставися
к Богу священноепископ Игнатий, месяца маия в 28 день, в пяток по вечерни. И удариша в колокола, и стечеся весь
град множество безчисленно народа, и бысть плачь неутешим, оставляюще своего пастуха и учителя, в болезнех и
в печалех помощника и избавителя, вдовицы и сироты аки оборонителя и заступника, нищии и убозии аки кормителя
и питателя, иерейский чин и мнишеский, князи и вель-можи аки наказателя и учителя. И тако вземше святое его
тело, и понесоша в церковь, и за множеством народа не могоша внести, понеже снидеся народа множество без числа.
В то же время приидоша две черноризицы благоговейны, едина именем Феодосия, бывши жена Павла протодиакона
его, отнюдуже поястася законом брака, и изволиша девственное чистое житие о Бозе, и весь живот свой в молитвах
и посте поживша, послушествовании от всех чистоты ради жития. Павлу же к Богови отшедшу, и си въсприя мнишский
чин. И другая черноризица именем Оксиния, и та благочестива и житие добродетельно имуща.
Те две видеста сие чюдо, и инии мнози видевше, имже Бок откры. И егда понесоша святое тело его к церкви, воста
от одра в своем святительском подобии, и пойде по воз-духу, и ста горе над церковию, и благослови люди и весь
народ, и потом сступи на нижнюю камару, яже над жертвенником, и ту положиша тело его Божиим изволением. Се же
видение откры Бог преподобныма женама, сим прославляя угодника своего.
И егда поставиша пред церковию и певше канон за упокой, и сътвори Бог чюдо: Стефану архимандриту прикоснувшуся
святем теле его, бе бо перст его ручный прикорчился к длани от рожения его, и в том часе простреся.
И тако внесоша и в церковь. И наутрия створше обычную службу и пение. И егда вложиша и в гроб, и даша ему свитки,
ихже святи в животе своем, прозвитеры и диаконы, и простер руку принят я якоже жив. И видевше второе чудо, в
ужасти быша и радости ве-лице.
Потом житие преподобнаго сего не предано бысть писанию и доселе; аз же худой и смиренный, убояхся осуждения
лениваго раба, скрывшаго талант, глаголюща, яко яр есть господин мой, жнет идеже не сеяв, и събирает, удуже
не расточив, вмале написах житие преподобнаго сего святителя Игнатия, да и нам Бог подаст оставление грехов
молитвами его о Христе иисусе Господе нашем, Ему же слава и честь и держава Отцу и Сыну и Святому Духу, ныне
и присно и во веки веком. Аминь. |
